Жаңалықтар

Абайдың «Жидебай-Бөрілі» мемлекеттік музей-қорығы  Абай облысы мәдениет және тілдерді дамыту және архив ісі басқармасымен бірлесіп мемлекеттік қызметшілер арасында «Шәкәрім даналығы» атты әдеби квест өткізді.

Әдеби квестке мемлекеттік қызметшілерден құралған 5 топ қатысты.

Сайыс нәтижесі бойынша облыстық Әділет департаментінің «Үш анық» командасы жүлделі І-орынды жеңіп алса, Абай облысының төтенше жағдайлар департаментінің «Құтқарушылар» командасы ІІ-орынды, Абай облысы Полиция департаментінің «Сақшылар» командасы ІІІ-орынды иеленді.

Абай облысы сотының «Әділ орда» командасы мен Семей қаласының Қорғаныс істері жөніндегі басқармасының «Сұңқар» командасы ойында көрсеткен ерекше белсенділіктері үшін марапатталды.

Әдеби-квестке қатысушы барлық командаларға арнайы дипломдар мен алғыс хаттар табысталып, қаржылай сыйлықтармен марапатталды.