Жаңалықтар

Абайдың «Жидебай-Бөрілі» мемлекеттік музей-қорығында 16 қазан — Абай музейінің құрылған күніне орай музей ардагерлерімен және Семей қаласы зиялы қауым өкілдерімен кездесу өткізілді.

Отырыс барысында музейі ісін дамытуға бағытталған бастамалар талқыланды. Молдабек Жанболатұлы, Зейнолла Тоқаев, Арап Еспенбетов, Құсмілия Нұрқасым, Амантай Исин, Серік Малаев сынды білім мен ғылым, мәдениет пен өнер саласындағы қайраткерлер мен ардақты ақсақалдар Абай мұрасын насихаттау, Абай музейін дамыту бойынша жан-жақты пікірлерін ортаға салды.

Ал, Абай музейінің дамуына үлес қосып, саналы ғұмырын музей ісін ілгерілетуге арнаған ардагер қызметкерлер Күлбике Жанәбілқызы, Маржан Біржанқызы, Үмітқайша Ахметқалиқызы, Райгүл Ыбырайқызы, Үмітқаным Иманбайқызы, Рысбике Изатқызы, Шолпан Сләмғалиқызы сияқты музей тарихынан орын алатын жандар музейде қызмет атқарған зерттеушілер мен ғалымдар жайында жылы естеліктерімен бөлісті.