Жаңалықтар

Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығында «Абай туралы естеліктер» көрмесі ашылды және «Абай туралы естеліктер» жинағының таныстырылымы өтті.

Шараға қала кітапханашылары, ұстаздар, студенттер, зиялы қауым өкілдері, баға жетпес естелік жазған тұлғалардың ұрпақтары және жинақтың шығуына демеушілік көрсеткен Балтабек Нұрғалиұлы арнайы қатысты.

Көрмеге Абай музейінің қорында сақталған құнды қолжазбалар мен деректер қойылса, «Абай туралы естеліктер» жинағына Турағұл Абайұлының «Әкем Абай туралы», Көкбай Жанатайұлы, Әрхам Кәкітайұлы, Төлеу Көбдіков, Абайдың келіні Кәмалия, Уәсила Мағауияқызы, Мүсірәлі ақсақал, Ниязбек Алдажаровтың және т.б. естелік-әңгімелер топтастырылған. Шара барысында кітап қала және университет кітапханаларына таратылды.

Ә.Қашаубаев атындағы облыстық филармонияның дәстүрлі әншісі Ж.Тәжиев қатысушыларға тамаша көңіл-күй сыйлап, әсем әнмен әрледі.

Аталған көрме музей көрермені үшін бір ай көлемінде ұсынылатын болады.