Жаңалықтар

ҚР МӘДЕНИЕТ ЖӘНЕ СПОРТ МИНИСТРІ АБАЙ ЕЛІНДЕ

Мұхтар Әуезовтің 125 жылдық мерейтойына орай ҚР Мәдениет және спорт министрі Дәурен Абаев Шығыс Қазақстанға жұмыс сапары аясында Абайдың «Жидебай-Бөрілі» мемлекеттік музей-қорығының бөлімдеріне барды.

Министр Абай Құнанбайұлының туған жері Сырт-Қасқабұлақ, Ақшоқыдағы Құнанбай қорымы, Абай-Шәкәрім мемориалдық кешендерінде болып, зиярат етті. Сондай-ақ, Жидебайдағы Абай музей-үйі экспозициясымен танысып, Бөрілідегі М.Әуезов музей-үйінің жаңа экспозициясын салтанатты түрде ашты.

«Шығыс Қазақстанның киелі нысандары — халқымыздың тарихи және рухани құндылыққа ие мекені саналады. Мұнымен ешкім дауласпайды. Біздің міндетіміз-осы мұраны құрметтеу және сақтау, оны барша қазақстандықтар мен шетелдік қонақтар үшін қолжетімді ету. Сонымен қатар, біздің салт-дәстүріміз, салт-дәстүріміз, мәдениетіміз бен тарихымыз туристер үшін қызықты екенін ұмытпай, осынау үрдісті қолдау қажетпіз. Қолда бар әлеуетімізді іске асырып, бұл өңірді этнографиялық және экологиялық туризмнің орталығына айналдыруымыз керек», — деді Дәурен Абаев.