Басшылық

ШАҢБАЙ ТҰРДЫҚҰЛ ҚАСЕНҰЛЫ

Басшылық

ШАҢБАЙ ТҰРДЫҚҰЛ ҚАСЕНҰЛЫ (1959 ж.т.) – әдебитетанушы, философ, географ, саяхатшы.

Семей Мемлекеттік Педагогикалық Институтын (филология), ҚР Ұлттық Ғылым Академиясының М.Әуезов атындағы Әдебиет және өнер институтының аспирантурасын (әдебиет теориясы), Қазақ Инновациялық Гуманитарлық-Заң университетін (география), Лев Гумилев атындағы ЕҰУ-нің магистратурасын ( философия), Лев Гумилев атындағы ЕҰУ-нің доктарантурасын (философия) бітірген.

ҚР Тарих және қоғамдық ғылымдар акедемиясының академигі, филология ғылымдарының кандидаты, ҚР-ның мәдениет қайраткері, ҚР білім беру ісінің үздігі, Шәкәрім атындағы СМУ-нің құрметті профессоры, М.Қозыбаев атындағы СҚМУ-нің құрметті профессоры.

Алматы. ҚР Ұлттық Ғылым Академиясы, М.Әуезов атынд. Әдебиет және өнер институтындағы «Әдебиет теориясы және әдебиеттану методологиясы» бөлімінде ғылыми қызметкер, аға ғылыми қызметкер, Әл-Фараби атындағы ҚазМУ-дің филология факультеті «Әдебиет теориясы» кафедрасында аға оқытушы, ҚР МАК-інде Ғалым-хатшының орынбасары, «Қазақ Энциклопедиясы» Бас Редакциясында Әдебиеттану, Өнер және Тіл білімі редакцияларының координатор-меңгерушісі, Әлеуметтік-Гуманитарлық Орталықтың бастығы.

Семей. Шәкәрім атындағы СМУ жанындағы Шәкәрімтану ҒЗО-ның директоры, әрі университет ректорының ғылым бойынша кеңесші, СМПИ-ындағы Қазақ әдебиеті кафедрасының, Философия және саясаттану кафедрасының меңгерушісі болды, әрі университет ректорының ғылым бойынша кеңесшісі, ҚазИГЗУ-нің жанындағы Алаштану ҒЗО-ның директоры, әрі университет ректорының ғылым бойынша кеңесшісі.

Ғылыми бағыттары: теориялық әдебиеттану, фәлсапа, мәдениеттану, география, этнос тарихы және ғылым методологиясы. Ғылыми-энциклопедиялық басылымдар дайындаудың маманы: «Түркістан» халықаралық энциклопедиясы, «Ежелгі Қазақстан», «Алтын Орда», «Күншығыс», «Аманаты Алаштың», «Біздің Мағжан» және «Шәкәрім», «Лев Гумилев», «Манаш Козыбаев» тұлғалық энциклопедиялары т.б.

Негізгі ғылыми еңбектері: «Ғылыми сұхбат әлемі», «Ұғым мәдениеті», «Шәкәрімнің Ар білімі», «Алаш қозғалысының» пассионарлық қуаты, «Алаш фәлсапасы» және т.б.

Марапаты: М.Х.Дулати медалі; ҚР Тәуелсіздігіне 20 жыл медалі; ҚР Тәуелсіздігіне 25 жыл медалі; Жамбыл Жабаев медалі; Лев Гумилев медалі, ҚР ғылымын дамтуға сіңірген еңбегі медалі; М.О. Әуезов медалі; «Алаш» алтын медалі; «Алаш» күміс медалі; Мағжан Жұмабаев медалі, т.б.

2020 жылдан «Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің директоры.