Жаңалықтар

Хакім Абай Құнанбайұлының 180 жылдығына және Мәдениет және өнер қызметкерлері күніне орай «Адамзаттың бәрін сүй…» атты әдеби квест өткізді.

Хакім Абай Құнанбайұлының 180 жылдығына және Мәдениет және өнер қызметкерлері күніне орай Семей қаласының Мәдениет және тілдерді дамыту бөлімі мен Абайдың «Жидебай-Бөрілі» мемлекеттік музей-қорығы бірлесіп мәдениет және өнер қызметкерлері арасында дәстүрлі ІV «Адамзаттың бәрін сүй...» атты әдеби квест өткізді. Әдеби квестке мәдениет және өнер қызметкерлерінен құралған 4 топ қатысып, ақын Абай Құнанбайұлының және ақындық мектебінің өмірі мен шығармашылығы, Абай музей-қорығының тарихы...

«Түрлі — түсті сәттер» атты

Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығында «Түрлі-түсті сәттер» атты «Балалар мен жастар шығармашылығы сарайы» КМҚК 2-ші корпусының бейнелеу өнері студиясы тәрбиеленушілерінің шығармашылық жұмыстарының көрмесі өтті. Көрмеде студия тәрбиеленушілері түрлі техникада орындаған 70-ке жуық кескіндеме және графикалық жұмыстар ұсынылған. Балалар өз жұмыстарында өмірдің жарқын сәттерінің әсемдігі мен сұлулығын ашты. Көрмеге 6 жастан 15 жасқа дейінгі балалар қатысты. Көрменің ашылу салтанатында музейдің...

«Музей түні» мәдени шарасының аясында «Құнанбай» фильміндегі Зере әженің рөлін сомдаған Салықова Нұрсипат Рақымбайқызымен кездесу ұйымдастырды.

Абайдың «Жидебай - Бөрілі» мемлекеттік музей-қорығы 18 мамыр - Халықаралық музейлер күніне арналған «Музей түні» мәдени шарасының аясында кино және театр өнерінің саңлағы Қазақстан Республикасының Мәдениет қайраткері, Мемлекеттік сыйлықтың иегері, «Құнанбай» фильміндегі Зере әженің рөлін сомдаған Салықова Нұрсипат Рақымбайқызымен кездесу ұйымдастырды. Кездесуде Нұрсипат Рақымбайқызының өмірі, шығармашылығы өнер жолы жайлы сұрақтар қойылып, «Құнанбай» фильмінен үзінді көрсетілді. Кездесуге музей меймандары, студенттер қатысты.  

«Музей түні» шарасы аясында Абайдың «Жидебай - Бөрілі» мемлекеттік музей - қорығында жазушы, әдебиеттанушы Айгерім Қиықбайдың «Ағамның ақ ұшағы» кітабының тұсаукесері ұйымдастырылды. Шарада жастар авторға шығармашылығы жайында сұрақтар қойып, пікірталасқа түсті.

Халықаралық музейлер күніне орай ұйымдастырылған «Музей түні» шарасында пазл жинаудан сайыс өтті.

Абайдың «Жидебай - Бөрілі» мемлекеттік музей - қорығында 18 мамыр - Халықаралық музейлер күніне орай ұйымдастырылған «Музей түні» шарасында пазл жинаудан сайыс өтті. Сайысқа қатысқан «Шәкәрім университеті» студенттері және Семей қаласындағы «Назарбаев Зияткерлік мектебі» оқушылары музей алаңында пазлдан Абай бейнесін құрастырды. Сайысқа қатысушылар арнайы сыйлықтармен марапатталды.

«Музей түні» шарасы аясында жастар алаңында «Білімдіден шыққан сөз» атты квиз ойыны өтті.

Абайдың Жидебай - Бөрілі мемлекеттік музей-қорығында «Музей түні» шарасы аясында жастар алаңында «Білімдіден шыққан сөз» атты квиз ойыны өтті. Ойынға студенттерден құралған 4 команда қатысты. Командалар әртүрлі бағыттағы үш кезеңнің сұрақтарына жауап берді. Қатысушылар мен жеңімпаздарға «Елімай» футбол клубының ойынына билеттер табысталды. 

Баспасөз баяны

18 мамыр - Халықаралық музейлер күніне орай Абайдың «Жидебай-Бөрілі» мемлекетті музей-қорығында «Абай әлеміне саяхат» тақырыбында мәдени-көпшілік шарасы өтеді. (далее…)

«Отты күндер ер есінде, жеңіс күні ел есінде» тақырыбында аудандық тыл ардагерлерінің қатысуымен мәдени шара ұйымдастырылды

Ұлы Жеңіске 80 жыл. Әсет музейінде осы орайда «Отты күндер ер есінде, жеңіс күні ел есінде» тақырыбында аудандық тыл ардагерлерінің қатысуымен мәдени шара ұйымдастырылды. Шарада ардагерлер құрметіне оқушылар тарапынан өлең оқылып, ән айтылды. Шара барысында ардагерлер соғыс жылдарында басынан өткерген қилы оқиғалары мен есінде қалған сырлы тарихи естеліктерімен бөлісті. Сонымен қатар «Музейдегі жауынгер» тақырыбында Әсет ақынның ұрпағы Қожекеге тиесілі жеке заттарынан көрме...

Отан үшін от кешкен Абай ұрпақтары» Мәдени танымдық шара

Абайдың «Жидебай-Бөрілі» мемлекеттік музей-қорығы 5 мамыр күні Ұлы Жеңістің 80 жылдығына орай «Отан үшін от кешкен Абай ұрпақтары» атты мәдени танымдық шара ұйымдастырды. Кеш тақырыбының өзегі – Ұлы Отан соғысына қатысқан Абай Құнанбайұлының ұрпақтары. (далее…)

«Шыншыл бол, шықпа жолдан, шыдамды бол…»

Бүгін музейімізде Әсет ақынның есімі балабақша бүлдіршіндері арасында ұлықталды. Аудандық балабақша бүлдіршіндеріне арналған «Шыншыл бол, шықпа жолдан, шыдамды бол...» тақырыбында Әсет оқуларының сайысы өтті. (далее…)