Жаңалықтар

Абайдың «Жидебай-Бөрілі» мемлекеттік музей-қорығы және Абай облысы білім басқармасының «Облыстық инновациялық-әдістемелік орталығы» бірлесіп «Абай Құнанбайұлының рухани қазынасы және мектепте оқыту әдістемесі» тақырыбында ғылыми-әдістемелік семинар ұйымдастырылды.

Семинардың негізгі мақсаты:

• «Абайтану» курсының өзектілігі арттырудағы пән мұғалімдерінің әдістемесін жетілдіру;
• Оқушылардың «Абайтану» курсы бағдарламасын толық игеруі үшін музей мен оқу орындарының жұмыстарын үйлестіру;
• Музейлік педагогиканы жетілдіруде мектеп мұғалімдерімен өзара тәжірибе алмасу;
• Музей мен білім беру мекемелерінің арасындағы тарихи-мәдени, ғылыми ынтымақтастық орнату, білім беру мекемелері ұстаздарымен жұмыс жасау.

Семинар жұмысына Абай облысы білім басқармасының өкілдері, Семей, Аягөз қалаларымен Абай, Ақсуат, Үржар, Жарма аудандарының мектеп ұстаздары және музей қызметкерлері қатысты.