Жаңалықтар

ҚР Мәдениет және ақпарат министрлігі Мәдениет комитетінің Абайдың «Жидебай-Бөрілі» мемлекеттік музей-қорығы және Семей қаласының білім бөлімі ұйымдастырған мектеп жасына дейінгі балалар арасында «Әсемпаз болма әрнеге…» байқауы дәстүрлі түрде сегізінші рет өткізілді.

Сайыс қорытындысы бойынша келесі тәрбиеленушілер:

І-орынды №1 «Арман» бөбекжайы – Болат Марьям,

ІІ-орынды «Немере» балабақшасы – Қайрат Айзере,  «№9 «Айгөлек бөбекжайы» – Мұхтарова Аянұр,

ІІІ-орынды «№4 «Балдәурен» бөбекжайы» – Файзулла Артур,   «Асыл-Жібек» шағын орталығы – Самалғажы Айғаным, «Наруто» шағын орталығы –  Ахметуалитова Ақнұр иеленді.

Байқаудың қазылар алқасы құрамында Абай музей-қорығы директорының ғылыми жұмыстар жөніндегі орынбасары Қайрамбаева Мейрамгүл Сейтжапарқызы, Семей қаласы Білім бөлімінің әдіскері Тоқтарова Бақытгүл Кеңесқызы, Халықаралық айтыс ақындары, жыршы-термешілер одағы Абай облыстық филиалының төрағасы Дәулет Сметов болды.

Жеңімпаздар мен қатысушылар дипломдар және бағалы сыйлықтармен марапатталды.